ސަރުކާރ�…

ސަރުކާރުގެ 51 އިންސައްތަ އަދި  ފުވައްމުލަކު އަތޮޅު ކައުންސިލްގެ 49 އިނަސައްތައިގެ މައްޗަށް އެކުލެވޭ ފުވައްމުލަކު ޑިވަލޮޕްމެންޓް ކޯޕަރޭޝަން ރައިސަލްޖުމްހުރީއްޔާ މުހައްމަދު ނަޝީދު އެކުލަވާލައްވައިފިއެވެ.

 

މިބޯޑުގައި ހިމެނިވަޑައިގަންނަވނީ ފުވައްމުލަކު އަތޮޅު ކައުންސިލުން އައްޔަން ކުރާ ތިން މެމްބަރުންނާއި  ސަރުކާރުން އައްޔަން ކުރާ ހަތަރު މެމްބަރުންނެވެ.

 

 ސަރުކާރުގެ ފަރާތުން މިބޯޑަށް އައްޔަންކުރީ ބޯޑުގެ ޗެއާމަނެއްގެ ގޮތުން ފުވައްމުލަކު ނިއުސަން މުހައްމަދު ސައީދު އާއި މެނޭޖިން ޑިރެކްޓަރެއްގެ ގޮތުން ފުވައްމުލަކު ހަޒާރުމާގެ ޝައްފާފު ނަސީރާއި އިތުރު މެމްބަރުންގެ ގޮތުގައި ފުވައްމުލަކު ރޭވާ އަޙްމަދު ޝަރީފް(ބީޖީ) އަދި ފުވައްމުލަކު އަސްރުމާގެ ޒާހިދާ އިބްރާހިމް އެވެ.

އަތޮޅު ކައުންސިލްގެ ފަރާތުން އައްޔަން ކޮށްފައިވާ މެމްބަރުންނަކީ  ފުވައްމުލަކު ނިއުޒިލް މުހައްމަދު މުސްނިމް ރަޝީދާއި ފުވައްމުލަކު ފަށަލަ މުހައްމަދު ސައިމްންގެ އިތުރުން ފުވައްމުލަކު ފިޔަނޫމާގެ އަހްމަދު ނަފީސެވެ.

ޖުމްހޫރީ މިއިދާން ކައިރިން ހާއްސަ އެހީއަށް ބެނުންވާ ނުކުޅެދޭ މީހެއްގެ ގައިގައި އުމުރުން ދުވަސްވީ މިހަކު ޖަހައި މާރާމާރި ހިންގައިފި

ޖުމްހޫރީ މިއިދާން ކައިރިން ހާއްސަ އެހީއަށް ބެނުންވާ ނުކުޅެދޭ މީހެއްގެ ގައިގައި އުމުރުން ދުވަސްވި މީހަކު ޖަހައި މާރާމާރި ހިންގައިފިއެވެ. މި ހާދިސާ މެދުވެރިވާން ދިމާވި ސަބަބެއްކަމަށް ބެލެވެނީ އުމުރުން ދުވަސްވި މީހާ އިސްލާމީ މަރުކަޒުގެ ވުލޫ ކުރާ ސަރަހައްދަށް ހީސްލުމުން އެކަން އެގޮތަށް  ނުކުރުމާށް  ހާއްސަ އެހިއަށް ބެނުންވާ މީހަ ބުނުމުންނެވެ.

އިސްލާމީ މަރުކަޒުގެ  މަސައްކަތު މީހެއްގެ ވާޒިފާ އަދާކުރާ ބައެއް މުވައްޒަފުންވެސް ވަނީ  މި މީހާ މިސްކިތުގެ އިސްކުރުބަރި ހުންނަށް ސަރަހައްދަށް ހީސްލާކަންވަނީ ކަށަވަރުކޮއްދީފައެވެ. “އަޅުގަނޑުމެންނަށް އެކި ފަހަރުމަތިން މި މީހަ މިތާގެ  ވުލޫކުރާ ސަރަހައްދަށް ހީސްލާތަން ފެނިގެން ވަނީ އެކަން އެގޮތަށް ނުކުރުމަށް  ނަސޭހަތް ތެރިވެފަ. ނަމަވެސް ޖަވާބުގައި އޭނާ ބުނަނީ އެތަންތަން ހުންނަނީ ހީސްލާން ކަމަށާއި އަދިވެސް ހީސްލާނެކަމަށް” އިސްލަމި މަރުކަޒުގައި މަސައްކަތު މީހެއްގެ ވަޒިފާ އަދާކުރާ އަންހެނަކު ކިޔައިދިނެވެ.

މިހާރު މި މީހާވަނީ ފުލުހުންގެ ބެލުމުގެދަށައް ގެންގޮސްފައެވެ،  މުޖްތަމައުގައި ހިގާ މިފަދަ ހަޑި މުޑުދާރު ދަށުދަރަޖައިގެ ކަންތަށް ހައްލުކުރުމަށް  މިހާރަށްވުރެ ހަރުދަނާ ފިޔަވަޅުތަކެއް އެޅުންވަރަށް މުހިއްމެވެ

Gulhun  huri vedio  eh belumah  :http://youtu.be/qgNh8mubK1I

 

https://www.youtube-nocookie.com/embed/qgNh8mubK1I

miskitha heeslaaa, adhi hasah ehey ah beynunvaaa meeha gaaai gai jahai maaaraa maaar i hingi meeha

police ge belumuge dasha miskithaa heeslaaa meehaa, adhi haaasah ehey ah beynunvaaa mihaaya maraamari hingi meeha gendhaney

miskitha heeslaaa, adhi hasah ehey ah beynunvaaa meeha gaaai gai jahai maaaraa maaar i hingi meeha

hassah ehey ah beynun vaaa kujja ,eynage baladhuveriya geyah gendhaney

hassaah eheyah beynun vaaa meeha

police ge belumuge dasha miskithaa heeslaaa meehaa, adhi haaasah ehey ah beynunvaaa mihaaya maraamari hingi meeha gendhaney

އިސްލާމް ދީނާއި ފުށުއަރާ އެއްވެސް ވާހަކައެއް އެއްވެސް ފަރާތަކުން ނުދެއްކުމަށް އެމްޑީޕީން ގޮވާލައިފި…

އިސްލާމް ދީނާއި ފުށުއަރާ އެއްވެސް ވާހަކައެއް އެއްވެސް ފަރާތަކުން ނުދެއްކުމަށް އެމްޑީޕީން ގޮވާލައިފއެވެ.

އެޕާޓީ އިން މިހެން ގޮވާލެއްވީ މި މަހުގެ 22 އިން 24 އަށް ރަސްމީ ދަތުރުފުޅެއްގައި ރާއްޖެއަށް ޒިޔާރަތްކުރެއްވި ޔުނައިޓެޑް ނޭޝަންސް ހައިކޮމިޝަނަރ ފޮރ ހިއުމަން ރައިޓްސް، ނަވެނަތަމް ޕިއްލޭ، ރައްޔިތުންގެ މަޖިލީހުގައި ތަޤްރީރުކުރައްވަމުން މާތްވެގެންވާ އިސްލާމް ދީނާއި ޚިލާފްވާގޮތަށް ދައްކާފައިވާ ވާހަކަތަކާއި ގުޅިގެން  އެ ޕާޓީގެ އިސްލާމްދީނުގެ މަޝްވަރާ މަޖްލީހުން ނެރުނު ނޫސްބަޔާނެއްގައި އެވެ.

ރާއްޖޭގެ ރަށްރަށުގެ ޙާލަތު ދެނަގަތުމުގެ ޚާއްޞަ ޕްރޮގްރާމެއްހިންގުމަށް އެމްޑީޕީން ނިންމައިފި

ރާއްޖޭގެ ރައްޔިތުންނަށް ބޭނުންވާ އެންމެހައި އަސާސީ ޚިދުމަތްތައް ރައްޔިތުންނަށް ލިބެމުން އަންނަ މިންވަރާ އަދި ނުލިބޭނަމަ ނުލިބުނު ސަބަބުތަކާ ރައްޔިތުން އެދޭގޮތަށް

ރައްޔިތުންގެ އަތްމައްޗަށް ރައްޔިތުންގެ ވެރިކަން ފުރޮޅިފައިވާއިރު ބޭނުންވާ އެންމެހައި އަސާސީ ހައްގުތަށް ލިބުގައި ކުރިމަތިވެފައިވާ ހުރަސްތަކަކީ ކޮބައިތޯ އާއި ރައްޔިތުން ބޭނުންވާ ގޮތަށް އެޚިދުމަތްތަށް ފޯރުކޮށް ދެވޭނީ ކިހިނެއްތޯބަލާ ރައްޔިތުންގެ ޚިޔާލު ހޯދުމުގެ ދަތުރުތަކެއް ޚާއްޞަ ޕްރޮގްރާމެއްގެ ދަށުން ހިންގުމަށް އެމްޑީޕީ އިން ނިންމަވައިފިއެވެ.

މިޕްރޮގްރާމުގެ ދަށުން ކުރާ ދަތުރުތަކުގައި ރައްޔިތުންގެ ޙާލު ބަލާ ގޭގެއަށް ޒިޔާރަތްކޮށް ނުލިބެނީ ކޮންޚިދުމަތެއްތޯ އާއި، އަދި އެންމެ ބޭނުންވަނީ ކޮން ކޮން ޚިދުމަތްތަކެއްތޯ ބަލައި

އެކަންކަމުގެ ތެރެއިން ވަގުތުން ރަނގަޅު ކުރެވެންހުރި ކަންކަން ރަގުޅުކުރުމަށް ޓީމުގެފަރާތުން މަސައްކަތް ކުރާގޮތަށް ވަނީހަމަޖެހިފައެވެ.

އަދި މިދަތުރު ތަކުގައި ބަލަން ހަމަޖެހިފައިވާ ކަންކަމުގެ ތެރޭގައި ރާއްޖޭގެ އެކިދާއިރާތަކަށް ދައުލަތުން ކަނޑައަޅާފައިވާ ފަރާތްތަކާމެދު ރައްޔިތުން ދެކޭގޮތާ އެބޭފުޅަކު ހިމެނޭ ދާއިރާއަކުން އެބޭފުޅަކު ބަލައިގެންފައިވާ މިންވަރު ބެލުންވެސް ހިމެނިފައިވެއެވެ.

ލާމަރުކަޒީއުޞޫލުން ރާއްޖެ ހިންގަމުންދާ އިރު ކުރިމަތިވެދާނޭ ކަންތައްތަކާ އެކަންކަން ރަނގަޅު ކުރުމަށްޓަކައި ރައްޔިތުންނަށް ކުރެވޭނީ ކޮންކަމެއްތޯ ބަލައި، ރައްޔިތުންނަކީ މިގައުމުގެ ވެރިންކަމަށް ވުމާއެކު ރައްޔިތުން ވެރިކަން ޙަވާލު ކުރި ފަރާތުން ރައްޔިތުންގެ އިޙުސާސްތައް ދެނެގަތުމަށް ކުރާ މިދަތުރު ތަކުގައި ރައްޔިތުން އެކަށައަޅައި ކަންކަން ފުރިހަމަ ކުރުމަށް ޕާޓީގެފަރާތުން މަސައްކަތް ކުރާނެއެވެ.

އަދި ހަމަ އެހެންމެ ރަށްރަށުގެ ތަޢުލީމީ ޙާލަތާއި، ޞިއްޙީ ޙާލަތާ އިގްތިޞާދީ ޙާލަތު ބަލައި، ރާއްޖޭގެ އެންމެހާ ރައްޔިތުންނަށް ހަމަހަމަ ކަމާއެކު މިޚިދުމަތްތައް ފޯރުކޮށްދިނުމަކީ އެމްޑީޕީގެ އަމާޒަކަށް ވީހިނދު ރަށްރަށުގެ އެމްޑީޕީގެ ގޮފިތަކުގެ އިސްފަރާތްތަކާއެކު މަސައްކަތްކޮށް ރާއްޖޭގެ އެންމެހައި ރައްޔިތުން ގޮވައިގެން އަނެއްދިވެހި ރާއްޖެއަށް ދަރުކުރުމަކީވެސް އެމްޑީޕީގެ ތަޞައްވުރެކެވެ.

އެމްޑީޕީގެ މެންބަރުންގެ މެދުގައި އެކުވެރިކަމާއި، އުޚުއްވަތްތެރިކަން ގާއިމްކުރުމުގެ ގޮތުން ހިންގޭ މިޕްރޮގޮރާމުގެ ދަށުން ރަށްރަށުގައި ޚާއްޞަ ޖަލްސާތަކެއް ބޭއްވުމަށްވެސް ރޭވިފައިވެއެވެ.

އެމްޑީޕީގެ ދަތުރުފަތުރު ކޮމެޓީއާއި، މީޑިޔާ ކޮމެޓީއާއި، ފަންޑްރައިޒިންގ ކޮމެޓީއާއި، ކެމްޕޭން ކޮމެޓީއާއި، އިންތިޒާމް ކޮމެޓީ އެކުވެގެން މުޅިރާއްޖޭގައި ހިންގުމަށް ގަސްދުކުރެވިފައިވާ މިދެންނެވި ޕްރޮގްރާމް ޑިސެންބަރު މަހު ފެށިގެން ކުރިއަށްދާނެއެވެ.

މިދަތުރުގައި ބައިވެރިވާނީ މިދެންނެވި ކޮމެޓީތަކުން އެކުލަވާލާފައިވާ ކުޑަކޮމެޓީ ގައި ހިމެނިވަޑައިގަންނަވާ ބޭފުޅުންނެވެ

This slideshow requires JavaScript.

.

މިހާރު މާލޭގައި އިސްލާމް ދިނުގެ ދިފާއުގައި ކުރިޔަށް ގެންދާ ސިލްސިލާ މުޒާހަރާ 26-11-11

1.   ރޭގެ މުޒާހަރާގެ ބައިވެރިން ވަނީ  ފުލުހުންނަށް ވަރަށް ބޮޑަށް ފާޑު ވިދާޅުވެ ޝައިތާނީ ޔޫން ބިލްޑިންގް ގެ ހިމާޔަތުގައި ނުނުކުތުމަށް ވަނީ  ގޮވަލާފައި….

މާލެގެ މަގުތަކުގައި ޑަސްބިން ބެހެއްޓުއްމުގެ މުހިއްމު ކަން

ފަތުރުވެރިން ގެ މަންޒިލެއްގެ ގޮތުގައި މުޅި ދުނިޔެއަށް މަޝްހޫރު ދިވެހިރާއްޖޭގެ ވެރިކަން ކުރާ މާލެ ސިޓީގެ މަގުތަށް ރީތިކޮށް ބެލެހެއްޓުމަކީ ވަރަށް މުހުންމިކަމެކެވެ. މާލެ ސިޓީ ކައުންސިލްގެ   ފަރާތުން މާލެގެ މަގުތަށް ފެހި ކޮށް ރީތި ކުރުމުގެ ގޮތުން މާލެގެ މަގުތަކުގައި ފުންފުއައް ރުށް މިހާރު ދަނީ އިންދަމުންނެވެ

ކައިވެނި ކުރުމުގެ ކުރިން ދެޖިންސުގެ ކުދިން ލޯބިގެ ގޮތުން ގުޅުމަކީ ކޮންކަހަލަކަމެއް؟

މީގެ ކުރިން އަޅުގަނޑުމެންގެ ގައުމަށް އުފަންނުވާ އެތައްކަމެއް މިއަދު މިވަނީ މިގައުމަށް އުފަންވެ، ޤައުމުގައި ވަކިހިއްޕާލާފައެވެ. އެކަމަކީ ހަރާމް ކަމެއްތޯ ނުވަތަ ހަލާލު ކަމެއްތޯވެސް ބަލާލަނީ ގައުމުގެ ނިސްބަތުން މަދުބައެކެވެ.

ދެޖިންސުގެ ޒުވާނުން ހިންގާ ލާދީނީ އަމަލުތަށް އަޅުގަނޑުމެން ޒުވާނުންގެ ބަހުން “ބިޓުން ނެގުން” މިގައުމުގައި މިވަނީ ފެޝަނަކަށްވެފައެވެ. ނަތީޖާއަކަށް ވެގެންދަނީ ކައިވެންޏަކާއި ހަމަޔަށް ދިޔުމުގެ ކުރިން ގިނަ ފަހަރަށް އޮންނަނީ ކައިވެނިކޮށްގެން ކުރަންޖެހޭ ހުރިހާކަމެއް ކުރެވިފައެވެ. މިއީ ހިތާމަހުރިކަމެކެވެ. މިކަމުގެ ސަބަބުން ޢިޖްތިމާއީ އެތަކެއް މައްސަލަތަކެއް ތަފާތު ސިފަސިފާގައި ކޮންމެ ދުވަހަކުހެން މިދަނީ ފެންމަތިވަމުންނެވެ. ޒިނޭކޮށް ނަހަލާލަށް ލިބޭ ކުށެއްނެތް މައުސޫމް ކުދިންތަށް ދިރިހުއްޓާ މަރާލުން ދެން މިހެންގޮސް ކިޔާނެކަމެއް ނެތެވެ. ހިތާމައަކީ  ދަރިން ހިންގާ މިފަދަ ލާދީނީ އަމަލުތަށް ހުއްޓުވުމަށް މައިންބަފައިންވެސް  ނުކުޅެދިފައިވާކަމެވެ.

ކައިވެނި ކުރުމުގެ ކުރިން ދެޖިންސުގެ ކުދިން ރައްޓެހިވުމާއި ބެހޭ ގޮތުން  ދިނީ ގޮތުން އެކަން އޮތްގޮތް އޮޅުންފިލުވުމަށް “މިކަލް” ނޫހުގެ ފަރާތުން ކުރި ސުވާލަކަށް ޖަވާބުދެއްވަމުން  މިނިސްޓްރީ އޮފް އިސްލާމިކް އެފެއާރޒް އިން ވިދާޅުވެފައިވަނީ “ކައިވެނި ކުރުމުގެ ކުރިން ކައިވެނި ކުރުމުގެ މަޤްޞަދުގައި ލޯބީގެ ގޮތުން ގުޅުން، އިސްލާމްދީނުގައި އަންގަވާފައިވާ ހައްދުތަކާ މިންގަޑުތަކުގެ ތެރޭގައި އެފަދަގުޅުމެއް ބޭއްވުމަކީ ހުއްދަކަމެއް. ކައިވެނި ކުރާނެ މީހަކު ހޯދުން އެންމެ ރަގަޅުގޮތަކީ މައިން ބަފައިން މެދުވެރިކޮށް ހޯދުން. އެމީހުންނަށް ވުރެ ބޮޑަށް ދަރިންނަށް ހެޔޮއެދޭ ބަޔަކު ނުތިބޭނެ” މިހެންނެވެ.

ނަމަވެސް ހިތާމަޔަކީ ދީނުގައި އޮންނަ ލުއިގޮތުގެ ފައިދާ ނާޖައިޒު ގޮތުގައި ބައެއްމީހުން ބޭނުންކުރާކަމެވެ. ލޯބީގެ ގޮތުން ގުޅިގެން އުޅޭ ގިނަ ޒުވާނުންގެ މަޤްޞަދަކީ ކައިވެނި ކުރުން ކަމުގައި ނުދެންނެވޭނެއެވެ. އަދި ދީނުގައި އޮންނަ ގޮތް އަޅުގަނޑުމެންގެ މުޖްތަމައުން ބަލައިގަނެވެނީ އާންމު ބަހުންނަމަ “ކަޓު” ކަމެއްގެ ގޮތުގައިއެވެ. އަޅުގަނޑުމެންގެ ތެރެއިން ގިނަ މީހުންނަށް މިއަދު ކަމުދާކަމަކަށް ވަނީ ހުޅަގުގެ ވަހުޝީ ނާތަހުޒީބު ސަޤާފަތެވެ. ހަޤީޤަތަށް ބުނާނަމަ މިއީ ގެރިބަކަރިތަކުގެ އުސޫލެވެ. އެއްވެސް ހަމައެއްލަމައެއް ނެތެވެ. ތެދުތެދަށް ދަންނަވަނީނަމަ މިރާއްޖޭގެ މަގުތަކުގައި ލަދުން ހިގަންވެސް ނުކުރެވޭވަރަށް މިގައުމުގައި މިކަންތަށް މިވަނީ ބޮއްސުންލާފައެވެ.

ލޯބީގެ ގުޅުންތަކުގައި އާޚިރުގައި މެދުވެރިވާ ދެރަގޮތްތަށް ތަޙައްމަލް ކުރަންޖެހެނީ އަންހެން ކުދިންނެވެ. އެހެން ކަމުން އަންހެން ކުދިންނާއި އެކުދިން އާއިލާތަކުން މިކަންތަކަށް ވިސްނާ ދެދުނިޔޭގެ ބާއްޖަވެރިކަން ހޯދަން މަސައްކަތް ކުރަންވެއްޖެއެވެ. އަޅުގަނޑުގެ ދުޢާއަކީ މިގައުމުގެ ޒުވާންޖީލް މިފަދަ ލާދީނީ އަމަލުތަކުގެ ޝިކަރާއަކަށް ނުވެ ކޮންމެކަމެއްވެސް މާތްވެގެންވާ އިސްލާމްދީނުގައި އަންގަވާފައިވާ ހުދޫދުގެ ތެރޭގައި  ޢަމަލުތައް ބެހެއްޓުމުގެ ހެޔޮ ތަޢުފީޤު މާތްﷲ އަޅުގަނޑުމެން އެންމެނަށް މިންވަރުކުރެއްވުމެވެ.

އެއާޕޯޓް ހަދައިދިނީ ކުރީ ސަރުކާރުން ތޯ؟ ނޫނީ މިސަރުކާރުން ތޯ؟

first commercial flight

ފުވައްމުލަކު ރައްޔިތުންގެ ޒަމާންވީ ހުވަފެނީ ބޮޑުމަންޒަރު މިއަދު  މިވަނީ ހަޤީގަތަކަށް ވެފައެވެ. މުޅި ފުވައްމުލަކުގެ ރައްޔިތުންގެ މޫނު މަތިން ފެނިގެންދަނީ އުފާވެރިކަމުގެ ޝުއޫރުތަކެކެވެ. ދަތުރުފަތުރު ކުރުމުގައި މިރަށުގެ ރައްޔިތުން ހޭދަ ކުރި ހަރަދާއި،ބަރުދާސްތު ކުރި ހިތި މާޒީ މިއަދު މިވަނީ ފަރުދާވެފައެވެ

މި އެއަޕޯޓާއި މެދު  މުޅި ފުވައްމުލަކުގެ  ރައްޔިތުން ފަހުރުވެރިވެއެވެ. ނަމަވެސް މި އެއާޕޯޓް އަކީ ކޮންސަރުކާރަކުން ހައްދަވައި ދެއްވި އެއާޕޯޓެއް ކަމާއި މެދު ބައެއް ރައްޔިތުންގެ ތެރޭގައި ވަނީ ހިޔާލުތަފާތުވެފައެވެ. އެއްބަޔަކު ބުނާގޮތުން މިކަމަކީ ކުރީގެ ރައިސް މައުމޫން ކުރަން ނިންމެވި ކަމެކެވެ. އަނެއް ބަޔަކު ގަބޫލު ކުރާގޮތުން، މިކަމަކީ ކުރީ ސަރުކާރުން ރައްޔިތުންގެ ލޮލުގައި އެޅުވި އަދުނެއްކަމަށާއި، މިކަމަށް ޙާއްސަ ސަމާލުކަމެއް ދީގެން މިކަން ކުރީ މިސަރުކާރުންކަމަށެވެ. މި ސުވާލުގެ ޖަވާބު އަޅުގަނޑު ކިޔުންތެރިންނަށް ދޫކޮއްލާނަމަވެ.

ފުވައްމުލަކުގެ ތަރައްޤީއަށް ….. ހޭލުންތެރި ރައްޔިތުންތަކެއް….

މިއަދު އަޅުގަޑުމެން އެންމެންވެސް  ބޭނުންވަނީ  ތަރައްޤީއާއި ކުރިއެރުމެވެ.އަޅުގަޑުމެންގެ އުފަން ރަށުގައި ތިބެގެން އަޅުގަޑުމެންގެ އަސާސީހިދުމަތްތައް ލިބެން އެބަ ބޭނުންވެއެވެ. ފުރިހަމަ ނަރުދަމާ ނިޒާމާއި ސާފު ބޯފެންބޭނުމެވެ،  ނަަފްސާނީ ގޮތުންނާއި ޖިސްމަނީގޮތުން ވޭނާއި ކެކުޅުން ތަހައްމަލު ނުކޮށް ބޫމް ބޫމް ލާފައި  ފުލައިޓުގައި  ރަށައް އައިސް ގޮސް އުޅެން  ނުހަނުބޭނުންވެއެވެެ، އަދި  އަމިއްލަ ޢާއިލާ އާއި  އަބިދަރިން ދޫކޮއްލާފައި   ރަށުން ބޭރުގައިއުޅުމުގެ ބަދަލުގައި ރަށުގައި ތިބެގެން ވަޒީފާ އަދާކުރުމަށް ބޭނުންނުވާނެއެކަކުވެސް ހުންނާނެ ހެނެއް ހިޔެއް ނުވެއެވެ.

ނަމަވެސް މިއަދު  އަޅުގަޑުމެންގެ ތެރެއިންބަޔަކު މިފަދަ ތަރައްޤީ އާއި ކުރި އެރުންތަށް މިރަށައް އައިސްދަނެތީވެ ނުހުނުކަންބޮޑުވެގެން އުޅޭކަމަށް އަޅުގަޑަށް ވަރަށް ބޮޑަށް ސިފަ އެބަކުރެވެއެވެ.  ސިޔާސީ ޕާޓީތަކުގެ ނިޒާމުގައި   އަބަދުވެސް އިދިކޮޅު ފަރާތްތަކުން ބަލާނީއެއިރެއްގައި އޮންނަށް ސަރުކާރަކާއި ރައްޔިތުންނަޓަކައި ކޮއްދެވަމުން ގެންދަވާމަސައްކަތް ކޮނެމެވެސް ބަހަނާއެއް ދައްކާފައި ހުއްޓުވާލުމަށެވެ، އެއީރައްޔިތުންނަށް ކިތަންމެ ލާބަޔާއި މަންފާ ހުރި ކަމެއްކަމުގައި ވިޔަސްވަރިހަމައެވެ.

އަޅުގަޑުމެން ތަރައްޤީއާއި ކުރިއެރުން ބޭނުންނަމަ އަޅުގަނޑުމެންގެވިސްނުންވެސް އެބަޖެހޭ ތަރައްޤީ ކުރަން، ސިޔާސީ ވެރިންގެ ކެހިވެރި ވަހާކަތަކަށްބަރޯސާވުމުގެ ބަދަލުގައި  ތިމާގެ  އަމިއްލަ ބުއްދިން ވިސްނާފިކުރުކޮށް ތިމާއަށާއިތިމާ އުޅެބޮޑުވި ރަށަށް  ފައިދާހުރިކަންތަކުގައި ސަރުކާރަށްވެސް އިދިކޮޅުފަރާތްކަށް ވެސް އެއްބާރުލުން ދީގެން މެނުވީ މި އުއްމީދު ކުރާ ތަރައްޤީއާއި ކުރިއެރުމެއް ނުލިބޭނެއެވެ.

 ދަންނަވަން މިއުޅޭ ވާހަކަ އަކީ  މިރަށުގައި 2 ފަޅުރަށެއް އުފެއްދުމަށްއަތޮޅުކައުންސިލުން ހަމަޖައްސައި  އެ 2ރަށުގައި  ސިޓީ ހޯޓާ ތަރައްޤީ ކުރުމަށްސަރުކާރުން ނިންމީ  ބަގުރާވިއްކަން ކަމަށްބުނެ ބައެއް ފަރާތްތަކުން މިކަމަށް ހުރަސް އަޅާވަހަކައެވެ. ދަންނަވަންތޯ އެވެ!މިރަށުގައި ބަގުރާ ވިއްކަން މިރަށަށް ހެޔޮއެދޭ އެއްވެސް  ދަރިއަކު އެދޭނެހެނެ  ހިޔެއްނުވެއެވެ.އަދި ސަރުކާރުންވެސް މިކަންމިގޮތަށް ކޮއްފާނެކަމަށް އަޅުގަޑަކަށް ކުޑަކޮށްވެސް ޤަބޫލެއް ނުކުރެވެއެވެ. އެއީމިސަރުކާރުން އަބަދުވެސް  ބުނަމުންދަނީރައްޔިތުންގެ އަޑު އަހާނެކަމަށާއި މި ސަރުކާރު ދެމިއޮތުމުގެ އެންމެ ބޮޑު ބޭނުމަކީރައްޔިތުން އެދޭ ގޮތަށް ރައްޔިތުންގެ ވެރިކަމެއް ކުރަމަކަމަށް  ކުރުން ކަމަށެވެ.

ފުވައްމުލަކު  އަތޮޅު ކައުންސިލްގެމެމްބަރަކު  ވީދާޅު ވިގޮތުގައި ” ރާވިއްކަން ހުއްދަކުރިޔަސް ކުރާނީ އަތޮޅު ކައުންސިލްގެ ޤާރާރަކުން ކަމަށެވެ،”އަދި އެފަދަ ކަމެއް އެކައުންސިލުން ނުކުރާނެކަމަށެވެ .

 ވައީރު އަޅުގަޑުމެންގެ  ރަށުގެ ތަރަޤީއަށްޓަކައި ކުރުމަށްހަމަޖެހިފައިވާ ިމަސައްކަތްތަކަށް ހުރަސްއެޅުމުގެ ބަދަލުގައި  ފުންކޮށް ވިސްނާލަމާތޯ!! މި ސިޓީ ހޯޓާތަށް  ހެދުމުގެ ސަބަބުން ފުވައްމުލަކު އެތަކެއްދަރިންތަކަކަށް  ރަށުގައި ތިބެގެންވަޒީފާގެ ފުރުސަތުތަށް ލިބި، އަދި މިރަށުގެ ރައްޔިތުންގެ ދިރިއުޅުމުގެ ފެންވަރުމައްޗަށް ޖަހެ، ދަނޑުވެރިންގެ އުފެއްދުންތަކަށް އެކަށީގެންވާ މާކެޓެއްލީބޭނެކަމީޤަބޫލުކުރެވެންޖެހޭކަމެކެވެ.

އަދި މި ސިޓީ ހޮޓާތަށް  ސަރުކާރުންއެޅުމަށް ހަމަޖެއްސި އަނެއް ސަބަބަކީ އަޅުގަނޑުމެން އެންމެންގެ އެންމެ ބޮޑު އުންމީދު” އެއާޕޯޓް”ނިމި  ބޭނުންކުރަން ފޭށޭއިރު ހަފްތާއެއްގެމައްޗަށް 30 އަކަށް މީހުން މިރަށައް ދަތުރުކޮއްގެނެ މިރަށުގެ އެއާޕޯޓު ހެދުމަށްހިގާދިޔަ ހަރަދާއި  އެއަޕޯޓް ހިންގުމަށް ދާހަރަދުތަށް  ދެކޮޅު ނުޖެހޭނެތީ މިރަށަކީފަތުރުވެރިންގެ މަންޒިލަކަށް  ހަދައިމިރަށައް ފަތުރުވެރިން ގެނައުމުގެ ބޭނުމުގައި އެވެ.

ސުވާލަކީ މިރަށުގައި ހަދާ އެއާޕޯޓު ދެމެހެޓެނެވި ގޮތެއްގައި   ހިންގުމައްޓަކައި ތިބޭފުޅުން ބޭނުންތޯ އޭ؟އެހެންކަމަށް ވާނަމަ  މިރަށްފަތުރުވެރިންގެ މަންޒިލަކަށް ހަދައި  އެމީހުންމިރަށައް ޝައުގުވެރިކުރުވަން އެބަޖެހެއެވެ.

 ނިންމާލަމުން  ދަންނަވާލަން އޮތީ ރަށުގެ ތަރައްޤީ އާއިކުރިއެރުމަށްޓަކައި  ” ވަން އެންޑްއޮންލީ ފުވައްމުލައް ” ފަދަ ރީތީ ޝިއާރު ތަށްވެސް ޤުރުބާން ކުރަންޖެހޭނެއެވެ

saaim

އައްޔޫބުގެފާނުގެ ކެތްތެރިކަން….ފުރަތަމަބައި

.

Syedna Ayub (Alaihesalam) – Yemen

އައްޔޫބު އަލައިހިސަލާމް އަކީ އީމާންތެރި ސޯލިޙް ބޭކަލެކެވެ.އަދި އެކަލޭގެފަނުގެ ވަޒަނަކީ ޝާމުކަރައެވެ.

އައްޔޫބު އަލައިހިސަލާމް ކޮންމެ ވަގުތެއްގައިވެސް ފަރީކުޅުއްވަނީ ނިކަމެތި މުސްލިމުންގެ ދިހަ މީހުންނަށް ކާންބޯން ދެެއްވުމަށް ފަހުއެވެ.އަދި އޮރިޔާން ހާލުގައިވާާ މީހުންގެ ތެރެއިން ދިހަ މީހުންނަށް ކޮންމެ ދުވަހަކު ދެއްވައި އުނު އޮރިޔާން ނިވާކޮއްދެއްވައެވެ.އަދި ބޭނުންތަށް ނުފުއްދިފައިވާ ފަޤީރުންގެ ބޭނުންތައް ފުއްދަވައިދެއްވައެވެ.

އެކަލޭގެފާނަށް އާލަސްކަންފުޅު ޖެހިވަޑައިގަތުމުގެ ކުރީގައި އެކަލޭގެފާނަކީ  ނަބީ އެކެވެ.އާލާސްކަންފުޅު ފަސޭހަފުޅު ވުމަށްފަހު މާތްﷲ އައްޔޫބު ޢަލައިހިސަލާމް އަށް ނަބީކަމާއި ރަސޫލުކަން ދެއްވިއެވެ.އަދި އެކަލޭގެފާނަށް މުދާވެރިކަމާއި މުއްސަދިކަން އަދި އަންހެން ބޭފުޅުންނާއި ފިރިހެން ބޭފުޅުންގެ ނިޢުމަތް ދެއްވިއެވެ.ދުނިޔޭގައިވާ ހުރިހައި އުފަލެއް ދެއްވެވިއެވެ.

އެކަލޭގެފާނަށް މިފަދަ މުއްސަދިކަމާއި ނިޢުމަތްތަށް ތަނަވަސް ކުރައްވާފައިވާއިރުވެސް ހަޔާތުގެ ހުރިހައި ވަގުތެއް މާތްﷲ ކިބަފުޅަށް އިބާދާތު ކުރުމުގައި ވޭތުކުރައްވައެވެ.

ލަޢުނަތް ލެއްވި ޝައިތާނާއަށް އެއްދުވަހަކު މިތަން ފެނިއްޖެއެވެ. ހަމަ އެވަގުތު ޝައިތާނާ ﷲގެ ހަޒުރަތުގައި ދެންނެވިއެވެ.

“ހައްދަވައި ބޮޑުކުރެއްވި ކަލާކޯ! އިބަ ސުވާމީންގެ އަޅާ އައްޔޫބު އަލައިޙިސަލާމް އަބަދާއި އަބަދު ޢިބާދާތުކުރުމާއި އަދި މީސްތަކުންނާއި މެދު ރަގަޅު ޙުލްޤު ބަހައްޓަވަނީ އިބަސުވާމީން އެ ކަލޭގެފާނަށް ދެއްވާފައިވާ މުއްސަދިކަމާއި ދެއްވާފައިވާ ބޭފުޅުންގެ ސަބަބުންނެވެ.

އެކެލޭގެފާނު އިބަސުވާމީންގެ ކިބަފުޅަށް އަޅުކަން ކުރުމުގައި ސާބިތުވެފައިވާ މިންވަރާ އަދި އެ އަޅުކަން ކުރައްވަނީ ކޮން ސަބަބަކަށްޓަކައި ތޯ ބަލައި  ޙަބަރު ކުރުމަށް މިއަޅާ އެކަލޭގެފާނުގެ އަރިއަހަށް ދިއުން އެދި އިބަ ސުވާމީންގެ ޙަޒުރަތުގައި ދަންނަވަމެވެ.އެގޮތަކީ އެކަލޭގެފާނު ތެދުމަގުން އެއްކިބާކޮށް މަޤުފުރެއްދުމުގެ ބޭނުމުގައެވެ”

މާތް ﷲ ސުބުޙާނަހޫ ވަތަޢާލާ އައްޔޫބުގެފާނު އިމްތިހާނު ކުރެއްވުމަށްޓަކައި ޝައިތާނާ އެކަލޭގެފާނުގެ އަރިއަހަށް ފޮނުވިއެވެ.

ޝައިތާނާ އެތަނަށް ދިއުމާއެކު ފެނުނީ އައްޔޫބުގެފާނު، ޢިބާދާތުގައި މަޝްޢޫލު ވެވަޑައިގެން ވާތަނެވެ.

ޝައިތާނާ އެކަލޭގެފާނަށް ކެހިދީ، މަޤުފުރެއްދޭތޯ މަސައްކަތް ކުރިއެވެ.ނަމަވެސް އޭނާއަށް އެއްވެސް ކަމެއް ނުކުރެވުނެވެ.އެންމެ ފަހުން ލަޢުނަތްލެވި ޝައިތާނާ އެތަނުން އެބުރި ހިގައްޖެއެވެ. އެހެން ރިވާޔަތެއްގައި ވެއެވެ. އެކަލޭގެފާނު މާތްﷲ އަށް ޢިބާދާތުގައި މަޝްޢޫލު  ވެވަޑައިގަންނަވާ މިންވަރު މަލާއިކަތުންނަށް ފެނިވަޑައިގެން ޢަޖާއިބުފުޅު ވެވަޑައިގެން ﷲ ޙަޒުރަތުގައި ދެންނެވިއެވެ.

“އެހެނީ އައްޔޫބު ޢަލައިހި ސަލާމް އަށް މުއްސަދިކަމުގެ ނަސީބާއި އަންހެން ބޭފުޅުންނާއި ފިރިހެންބޭފުޅުންގެ ނިޢުމަތް ދެއްވާފައިވެއެވެ. މިކަމުގެ ސަބަބުން އެކަލޭގެފާނު މާތްﷲ ކިބަފުޅަށް ޢިބާދާތުކުރައްވަނީއެވެ.

ދުނިޔޭގައިވާ ހުރިހައި ބަވަތެއްގެ އަރާމާއި، އުފަލުގައި އިބަސުވާމިންގެ އެކަލޭގެފާނު ލެހެއްޓެވިއެވެ. މިހެންވެ މިކަމަށް އެކަލޭގެފާނު ފުރިހަމައަށް ޝުކުރު ކުރައްވައެވެ.

އެވަގުތު ﷲ ތަޢާލާ ވަޙީ ކުރެއްވިއެވެ. މަލާއިކަތުންނޭވެ! އައްޔޫބު އަލަޙިއްސަލާމްގެ ކިޔަމަންތެރިކަމާއެކު ޢިބާދާތު ކުރައްވަމުން ގެންދަވަނީ އެކަލޭގެފާނުއަށް ތިމަން ﷲ ދެއްވާފައިވާ މުއްސަދިކަމުގެ ބަދަލެއްގައެއް ނޫނެވެ.އަދި ކީއްހޭ، ޙާއްސަކޮށް ތިމަން ﷲގެ ރަސްކަންފުޅަޓަކައެވެ.

އެކަލޭގެފާނަށް ތިމަންﷲ މިފަދަ ނިޢުމަތެއް ދެއްވާފައި ނުވިނަމަވެސް ހުރިހައި ވަގުތެއްގައި އެކަލޭގެފަނު ތިމަންސުވާމީންގެ ރުހިވޮޑިގަންނަވާ ގޮތެއްގެ މައްޗަށް ރުހި ޝުކުރުކުރައްވައި ކެތްތެރިވެ ވަޑައިގަންނަވައެވެ.އެފަދައިން އެކަލޭގެފާނާ، ފަޤީރުކަމާއި ދަތި ޙާލުކޮޅު ކުރިމަތިވިނަމަވެސް ކެތްތެރިކަމާއި ކިޔަމަންތެރިކަމާއި އެކު ޢިބާދާތުކުރެއްވުމުގައި ސަބިތުވެ ހުންނެވީހެވެ.

އެހެނީ  އެކަލޭގެފާނަށް ބަލާއާއި މުސީބާތް ފޮޮނުއްވުމަށް އެކަލާނގެ އެދިވަޑައިގެންނެވީ މި ސަބަބައްޓަކައިއެވެ. އެއީ އެކަލޭގެފާނު ﷲ އަށް ޝުކުރު  ކުރުމާއި ކެތްތެރިންގެ ތެރޭގައި ލެއްވުމުގެ ޘަވާބު އެކަލޭގެފާނަށް ދެއްވުމަށެވެ.

ﷲ ތަޢާލާ އެކަލޭގެފާނަށް ވަހީ ކުރެއްވިއެވެ!”ޢައްޔޫބު ޢަލައިޙިސަލާމް އެވެ!ކަލޭގެފާނު ތިމަން ﷲގެ ޙަޒުރަތުން އެދިވަޑައިގަންނަވަނީ ސިއްޙަތާއި ޢާފިއަތަށް ތޯއެވެ؟”

ޢައްޔޫބު ޢަލައިޙިސަލާމް ދެންނެވިއެވެ. “ހައްދަވައި ބޮޑު ކުރެއްވި ކަލާކޮ! މިއަޅާއަށް ސިއްހަތާއި ޢާފިއަތު ދެއްވުމަށްވުރެ ހިތާމަޔާއި މުސީބާތެއް ދެއްވުމަށް އިބަސުވާމީންގެ ރުހި ވޮޑިގަންނަވާނަމަ، މިކަމުގައި  އަޅުގެ އެއްވެސް ޝަކުވާއެއް ނެތެވެ.

ﷲ އިރާދަފުޅުން ޢައްޔޫބުގެފާނަށް އާލާސްކަންފުޅެއް ފޮނުއްވައިފިއެވެ. މިއާލާސް ކަންފުޅު ޖެހުމާއިއެކު މުޅި ހަށިކޮޅު ފާރުވެއްޖެއެވެ.އަދި އާލާސްކަންފުޅުގެ ޖަރާސީމުތައް ހަށިކޮޅުގައި އަށަގަތުމާއެކު ލޭފޮދު  މުޅިން ފާސަިދުވެއްޖެއެވެ.

އަދިވެސް އެހެން ރިވާޔަތެއްގައި  ވެއެވެ.

އެއްދުވަހަކު  ކޮންމެވެސް މީހަކު އައްޔޫބުގެފާނަށް ދެންނެވިއެވެ. ” ކަލޭގެފާނަށް މާތްﷲ މި ދުނިޔޭގައި ދެއްވާފައިވަނީ ވަރަށް ބޮޑު މުއްސަދިކަމެކެވެ.އަދި އެފަދައިން ބޭފޫޅުން ދެއްވުމުގެ ނިޢުމަތްވެސް ކަލޭގެފާނަށް ފުރިހަމައަށް ލިބިވަޑައިގަންނަވާފައިވެއެވެ.”

ޢައްޔޫބުގެފާނުގެ ވިދާޅުވިއެވެ.”އެކަމުގެ ބަދަލުގައި އެކަލާނގެ ކިބަފުޅަށް ޒިކުރުކޮށް ޢިބާދާތުކުރަމެވެ.”

އެކަލޭގެފާނުގެ މި ޖަވާބު ފުޅާއިމެދު ﷲ ރުހިވޮޑިއެއް ނުގެންނެވިއެވެ. މިކަމުގެ ސަބަބުން އެކަލޭގެފާނު މިއާލަސްކަންފުޅުގައި ޖެހިވަޑައިގަންނަވައިފިއެވެ.

ބަޔާންވެގެންވަނީ އެކަލޭގެފަނުގެ ހުރިއްޔާހުރި މުދަލަކާއި ބޭނުންތެރި ހުރިހައި އެއްޗެއް އަދައިގެންދިޔައީ ކަމުގައެވެ.

އެކަލޭގެފާނުގެ އަންހެން ބޭފުޅުން އަވަހާރަވީ ގެކޮޅުގެ ފަންގިފިލާ ނުވަތާ ފުރާޅު ވެއްޓި އޭގެ ދަށުގައި އެބޭފުޅުންވެގެންނެވެ.އަދި  އެކަލޭގެފާނުގެ އަމިއްލަފުޅު ސާޅީސްހާސް ކަންބަޅި،ބަކަރި،އެތް،އަސްޖަމަލު،އަންހެން ގެރިއާއި،ފިރިހެން ގެރި މަރުވެ ހިގައްޖެއެވެ.

ދެން އޭގެ ފަހުގައި އެކަލޭގެފާނުގެ  މިލްކުގައިވާ ހުރިހައި ތަކެއްޗެއް(ގޯތި ގެދޮރު، ދޫލަ، އެދު ފަރުދާ ފަންގިފިލާ) އަލިފާނުން އަދައިގެން ހިގައްޖެއެވެ.

އެކަލޭގެފަނުގެ މިލްކުގައިވާ އެއްވެސް އެއްޗެއް ސަލާމަތެއް ނުވިއެވެ.އޭރުވެސް އެކަލޭގެފާނު އިންނެވީ ޢިބާދާތުކުރެއްވުމުގައިއެވެ.

މި އަލިފާނުގެ ހުޅުގަޑު އެކަލޭގޭފާނު އިންނެވި ހިސާބުން އައުމުން މީސްތަކުން ދެންނެވިއެވެ.

“ކަލޭގެ ނިކަން ދެކިވަޑައިގަންނަވާށެވެ! ކަލޭގެފާނުގެ ހުރިހައި އެއްޗެއް އަދައިގެން ހިގައްޖެއެވެ.”އެކަލޭގެފާނު ވިދާޅުވިއެވެ! “ﷲގެ ކިބަފުޅުށް ޝުކުރު ދަންނަވަމެވެ.އެހެނީ އެކަލާނގެ  ފިތުރައްތެރިކަމުން އަހަރެންގެ ފުރާނަ ސަލާމަތް ކުރައްވާފިއެވެ. އެކަލާނގެ އިރާދާކުރެއްވި ގޮތަކަށް ކަންތައްތަވެ ނިމި ހިގާދާނެއެވެ.

(ނުނިމ)

saaim